4137 - Rheolwr Terminoleg - Cymraeg yn hanfodol

Job summary

What they’re looking for

• Terminoleg
• Cefnogi’r Arweinydd Terminoleg i gynnal prosesau safoni terminoleg, trwy gyflawni ymchwil ac ymgynghori trylwyr a pharatoi cynigion, ar gyfer dogfennau â phroffil neu risg uchel (gan gynnwys deddfwriaeth sylfaenol)
• Darparu cyngor rhagweithiol ar derminoleg mewn dogfennau â phroffil neu risg uchel, neu rai sy’n cynnwys problemau terminoleg newydd/cymhleth, trwy gribo am dermau, cyflawni ymchwil ac ymgynghori trylwyr a pharatoi cynigion
• Cynghori ar derminoleg mewn ymateb i geisiadau ad hoc gan gyfieithwyr ac eraill
• Cynghori ar derminoleg mewn ymateb i geisiadau brys gan Weinidogion
• Paratoi cofnodion addas ar gyfer y gronfa dermau, a gwirio ansawdd allforiadau o’r gronfa
• Cefnogi’r Arweinydd Terminoleg i ddatblygu canllawiau ac arweiniad ar agweddau penodol ar derminoleg a materion cysylltiedig
• Cynorthwyo i gynnal ansawdd y penderfyniadau a’r argymhellion a wneir, gan gynnwys:Sicrhau bod penderfyniadau ac argymhellion yn seiliedig ar dystiolaeth gadarn ac egwyddorion cydnabyddedig, a bod y rhesymeg yn cael ei hesbonio’n glir
• Trafod yn ôl yr angen â rhanddeiliaid ac arbenigwyr mewnol ac allanol, gan gynnwys cydweithwyr yn y Gwasanaeth Cyfieithu, arbenigwyr iaith/terminoleg, arbenigwyr cyfreithiol, ac arbenigwyr polisi/pwnc
• Cadw cofnod o’r penderfyniadau, a’r ymchwil a’r drafodaeth sy’n sail iddynt, a sicrhau bod trywydd archwilio clir ar gael
• Sicrhau bod penderfyniadau’n cael eu cymeradwyo ar y lefelau priodol, yn enwedig pan fyddant yn wleidyddol sensitif neu’n ddadleuol.
• Enwau lleoedd ac arwyddion ffyrdd
• Ymchwilio a drafftio cyngor ar ffurfiau safonol enwau lleoedd i’r Gwasanaeth Cyfieithu a Llywodraeth Cymru yn ehangach, gan ddilyn egwyddorion cydnabyddedig
• Cefnogi’r Arweinydd Terminoleg ar waith Panel Safoni Enwau Lleoedd Swyddfa Comisiynydd y Gymraeg, gan ddirprwyo ar ei ran yn ôl y gofyn
• Ymchwilio a drafftio cyngor ar destun Cymraeg arwyddion ffyrdd, gan ddilyn egwyddorion cydnabyddedig.
• Systemau ac adnoddau
• Cynnal prosiectau i sicrhau bod cofnodion TermCymru’n gyfredol, o ansawdd uchel, ac yn gyson
• Sicrhau y rhoddir cyhoeddusrwydd addas i adnoddau a datblygiadau terminolegol y Gwasanaeth Cyfieithu ymhlith rhanddeiliaid mewnol ac allanol
• Cefnogi’r Arweinydd Terminoleg i sicrhau bod yr adnoddau terminoleg yn addas i’r diben, yn cefnogi’r cyfieithwyr i’r graddau mwyaf posibl, ac ar gael yn gyhoeddus
• Cynnal cyflwyniadau a darparu hyfforddiant ar ddefnyddio’r pecynnau a’r systemau a gynhelir gan yr Uned Ddatblygu, ee y gronfa dermau, TermCymru, BydTermCymru
• Cyfathrebu â sefydliadau allanol (ee Yr Uned Technoleg Iaith ym Mhrifysgol Bangor, Geiriadur Prifysgol Cymru, Swyddfa Comisiynydd y Gymraeg a sefydliadau cenedlaethol a rhyngwladol eraill), er mwyn rhannu a dysgu am arferion da wrth ym meysydd terminoleg ac enwau lleoedd
• Meithrin arbenigedd er mwyn cefnogi a chynghori ar ddefnydd addas o offer technolegol ym maes rheoli terminoleg, gan gynnwys systemau a phrosesau priodol ar gyfer cribo termau, trafod a safoni termau gan sicrhau trywydd archwilio manwl, cynnal cronfeydd termau, a chyhoeddi a lledaenu termau.
• Cyffredinol
• Cydweithio â'r Swyddog Datblygu ar faterion a thasgau pan fo’r swyddog hwnnw yn cefnogi’r gwaith terminoleg, gan ddirprwyo yn ôl y gofyn
• Cynorthwyo’r Arweinydd Terminoleg i gynllunio rhaglen waith a phrosiectau unigol, gan ddirprwyo ar ei ran yn ôl y gofyn
• Gan ddibynnu ar gryfderau’r unigolyn ac anghenion busnes y Gwasanaeth, arwain a/neu gyfrannu at swyddogaethau a phrosiectau y mae’r Gwasanaeth yn ymwneud â nhw, gan gynnwys cyflwyno technolegau cyfieithu a CAP (Cyfieithu ar y Pryd) newydd, prosesau caffael gwasanaethau cyfieithu, rhoi cyflwyniadau i fyfyrwyr ac ymwelwyr
• Gwneud unrhyw dasg resymol arall ar gais Pennaeth yr Uned Ddatblygu neu Bennaeth y Proffesiwn.

Job description

Qualifications

Nationality requirements

Selection process

Browse more like this

• All Welsh Government jobs
• All HEO jobs